Son 8 000 personas de Novèla Aquitània, d’Occitania e duscas al Val d’Aran en Espanha que foguèron interrogadas en 2020 per una enquista de l’OPLO (Ofici public per la lenga occitana). L’objectiu èra de conéisser las representacions e las practicas de la lenga occitana sus un airal geografic plan espandit.
A pauc prèp 7% de las personas se dison capablas de parlar la lenga per téner una discutida simpla. L’occitan demòra « una lenga a mand d’escantiment », segond la nomenclatura de l’UNESCO.
Pr’aquò, 92% de las personas se dison favorablas al desvolopament de la lenga de la vida vidanta. Aital 2/3 son per una preséncia mai fòrta dins los mediàs e 7 personas sus 10 dins los luòcs publics.
8 personas sus 10 se dison favorablas al desvolopament del bilinguisme occitan/francés de la mairala al licèu.
Uèi, la transmission se fa mai que mai per l’escòla mas la vida d’una lenga passa per sa visibilitat dins la vida vidanta : mediàs, senhaletica, cultura…
Résultats d’une enquête sociolinguistique
8 000 personnes de Nouvelle Aquitaine, Occitanie et jusqu’au Val d’Aran (Espagne) ont été interrogées en 2020 par l’OPLO (Office public pour la langue occitane). L’objectif était de connaître les représentations et les usages de la langue sur un espace géographique large.
7% des personnes sont capables de tenir une conversation. L’occitan reste « une langue en voie d’extinction », selon l’UNESCO.
Cependant, 92% des personnes interrogées se disent favorables au développement de la langue dans la vie quotidienne. Ainsi, les 2/3 sont pour une présence plus forte dans les médias. 7 sur 10 dans le domaine public.
8 personnes sur 10 sont favorables au développement du bilinguisme occitan/français de la maternelle au lycée.
Aujourd’hui, la transmission passe par l’école mais une langue est en vie lorsqu’elle est présente dans la vie quotidienne : médias, signalétique, culture…
